ابڙو اڪيڊمي Abro Academy
2020-07-18
داخلا نمبر 512
عنوان ڇاپاڪو (ديسي )
شاخ پکي
پڙهيو ويو 358
داخلا جو حوالو:
ڇاپاڪو (ديسي )
ڇاپاڪو پکين جي اهڙي قبيل سان تعلق رکي ٿو جيڪي عام پکين خاص طور تي جهرڪين ۽ ٻين ٻولير پکين وانگر ڪنهن ٽاريءَ يا تار وغيره تي ويهي نه سگهندا آهن.هي رات باش قسم جو پکي آهي جنهن جا پر ۽ پڇ ڊگها ۽ وات تمام ويڪرو هوندو آهي. شايد انڪري ئي پرواز دوران جيت سولائيءَ سان جهٽي کائيندو آهي. ديسي ڇاپاڪو پٿريلي سرمائي رنگ جو ٿئي ٿو. وچولي ماپ جي هن پکيءَ جي پُڇ تي ڪماني دار پٽين جو تسلسل هوندو آهي. نر پکيءَ جي پُڇ جا ٻاهريان کنڀ اڇي رنگ جا ۽ مادي جي پڇ جون چوٽيون هيڊيون بادامي ٿين ٿيون.
ديسي ڇاپاڪي جي ڳچي اڇي ٿئي ٿي جنهن تي هلالي شڪل جا سنها ڪارا چٽا هوندا آهن. ان جو آواز ڏيڏر جي ڏاڪ جهڙو ٿئي ٿو ۽ سج لٿي کان پوءِ رات جو ٻُڌبو آهي.هي پکي به ماحول: 3 سان تعلق رکي ٿو.